ម្តាយនិងកូនភ្លោះ5នាក់ដ៏ស្រស់ស្អាត មានការចាប់អារម្មណ៍យ៉ាងខ្លាំង នៅតាមបណ្តាញសង្គម

337

បន្ទាប់ពីទ្រាំពពោះយ៉ាងលំបាក និងជម្នះបង្កើតបានកូនភ្លោះ ៥នាក់យ៉ាងជោគជ័យ ក្រុមគ្រួសារបានបង្ហោះរូបម្ដាយនិងកូនភ្លោះទាំង ៥នាក់នោះជាច្រើនសន្លឹក និងវីដេអូផងដែរ ដោយការទទួលការចាប់អារម្មណ៍យ៉ាងខ្លាំងពីមនុស្សជាច្រើន។

គ្រួសារលោក Vaughn និងអ្នកស្រី Kim Tucci មកពីទីក្រុង Perth ភាគខាងលិចនៃប្រទេសអូស្ត្រាលី បានផ្ដល់កំណើតឲ្យកូនទាំង៥នាក់ កាលពីខែមករាកន្លងទៅ ដែលមានកូនប្រុសម្នាក់ឈ្មោះ Keith និងកូនស្រី ៤នាក់គឺ Ali, Penelope, Tiffany និង Beatrix។

មុនជួបលោក Vaughn អ្នកស្រី Kim Tucci មានកូនប្រុសអាយុ ៩ឆ្នាំម្នាក់រួចមកហើយ ក្នុងអាពាហ៍ពិពាហ៍ជាមួយស្វាមីមុន។ ចំណែកចំណងអាពាហ៍ពិពាហ៍ថ្មីរបស់អ្នកទាំង២ បានផ្ដល់កំណើតដល់កូនស្រីពីរនាក់ មុនពេលអ្នកស្រី Kim កើតបានកូនភ្លោះទាំង ៥នាក់នេះ។

អំឡុងពេលពពោះកូនទាំង៥ អ្នកស្រី Tucci ចែករំលែកបទពិសោធន៍ផ្ទាល់ខ្លួននៅលើ Blog របស់អ្នកស្រីថា អ្នកស្រីបានជួបបញ្ហាមួយចំនួនដូចជា ចុកខ្នងខ្លាំង និងត្រូវងើបចូលបន្ទប់ទឹកញឹកញាប់នាពេលយប់។

យ៉ាងណាក្ដីក្រោយពេលឲ្យកំណើតកូនរួច និងបានថតរូបជុំគ្នាបង្ហោះនៅលើ Blog រូបរបស់អ្នកស្រី Tucci និងកូន បានទទួលការគាំទ្រពីមនុស្សប្រមាណជាង ១២៣ ០០០នាក់លើអ៊ីនធឺណិត។បើតាម លោក Vaughn និងអ្នកស្រី Kim Tucci បានឲ្យដឹងថានឹងប្ដេជ្ញាមើលថែចិញ្ចឹមបីបាច់កូនៗរបស់ពួកគេទាំងអស់ឲ្យបានប្រសើរ។

 

 

 

 

 

 

 

 

SHARE